Դիլիջանում բացահայտվել է ապօրինի անտառահատման դեպք
Դիլիջանի համայնքային ոստիկանությունը շրջագայության ընթացքում հայտնաբերել է «ՈԻԱԶ» մակնիշի ավտոմեքենա, որը բեռնված է եղել փայտանյութով։
Վարորդը՝ 61-ամյա դիլիջանցի տղամարդը, որևէ փաստաթուղթ չի ներկայացրել: Նա հայտնել է, որ փայտը պատրաստել է ինքնուրույն և տեղափոխում էր անձնական օգտագործման համար:
Ստուգմամբ պարզվել է, որ վառելափայտը՝ մոտ 1,7 խորանարդ մետր քանակով, հատվել է «Դիլիջան» անտառպետության «Միջին գոմեր» կոչվող հանդամասում՝ չկազմակերպելով համապատասխան թույլտվություն: Արդյունքում պետությանը պատճառվել է մոտ 146 հազար դրամի վնաս:
Փայտանյութը հիմնականում կազմված էր քամատապալ կաղնուց, ինչը ներառվում է բարձր արժեք ունեցող անտառային ռեսուրսների շարքում: Նման դեպքերում օրենքը պահանջում է պարտադիր փաստաթղթավորում՝ անգամ անձնական օգտագործման համար փայտ հավաքելիս, որպեսզի պահպանվի անտառային ֆոնդի անվտանգությունը և կանխվեն տնտեսական վնասներ:
Փաստաթղթերը ուղարկվել են Դիլիջանի քննչական բաժին՝ հետագա քննություն իրականացնելու համար: