Տնտեսություն

Հայաստանի իշխանությունները նախատեսում են սուբսիդավորել նոր ուղղություններով Հայաստան ժամանող թռիչքները։ Տարածքային կառավարման և ենթակառուցվածքների նախարարությունը հրապարակել է համապատասխան որոշման նախագիծ, որը նախատեսում է ավիափոխադրողներին փոխհատուցում տրամադրել յուրաքանչյուր ուղևորի համար, որը ժամանում է նոր ուղղություններով։

Հայաստանի կենտրոնական բանկը նախատեսում է ներդնել կրիպտոարժույթներով վճարումների ենթակառուցվածք, սակայն՝ ազգային արժույթի ավտոմատ փոխարկմամբ։ Այս մասին «Doing Digital» համաժողովի ընթացքում հայտարարել է ԿԲ փոխնախագահ Արմեն Նուրբեկյանը։

2025 թվականի մարտին Հայաստանում պարենային և ոչ ալկոհոլային խմիչքների գներն անցյալ տարվա մարտի համեմատ աճել են 5,4%-ով, իսկ ամսական կտրվածքով՝ 0,6%-ով։ Հայաստանում պարենային ապրանքներից թանկացել են բանջարեղենը, մրգերը, ձկնեղենը, սուրճը, թեյը և այլն։

Հայաստանում բենզինը մարտին թանկացել է 0,6%-ով, իսկ դիզելային վառելիքը էժանացել է 4,9%-ով։ Պաշտոնական վիճակագրության համաձայն՝ բենզինի և դիզելային վառելիքի գները այս տարվա մարտին նույն տարվա փետրվարի համեմատ նվազել են 0,4%-ով։

ԵՄ երկրներից, ԱՄՆ-ից, Մեծ Բրիտանիայից, Շվեյցարիայից, Նորվեգիայից, Հարավային Կորեայից և Ճապոնիայից ներմուծվող ապրանքները ավելի հեշտ կներմուծվեն Հայաստան։ Այդ երկրները կազատվեն ԵԱՏՄ չափանիշներով պարտադիր սերտիֆիկացումից։ Այս արտոնությունը կգործի, եթե ներկայացված են փաստաթղթեր, որոնք հաստատում են վնասակար նյութերի մակարդակի համապատասխան լինելը Հայաստանի և ԵԱՏՄ-ի պահանջներին։

Եվրասիական զարգացման բանկի (ԵԱԶԲ) հերթական մակրոտնտեսական ուսումնասիրության համաձայն՝ 2025 թվականին Հայաստանի տնտեսությունը կաճի 5,5%-ով։

🇦🇲🇷🇺 2024 թվականին Հայաստանի և Ռուսաստանի միջև առևտրաշրջանառությունը ռեկորդ է գրանցել։ Երկրների միջև շուրջ 12 մլրդ դոլարի առևտուր է եղել։

Ներքին գործերի նախարարությունը (ՆԳՆ) պարեկային ծառայության արդիականացման շրջանակում ձեռք է բերել էլեկտրամոբիլներ, որոնք լիցքավորվում են CCS2 տեսակի լիցքավորման սարքերով։ Սրա մասին հայտնում է ՆԳՆ-ն։

Կառավարությունը փոփոխություններ է նախաձեռնել գյուղատնտեսության ապահովագրության ոլորտում՝ ծրագրի հասանելիությունն ընդլայնելու և ոլորտի կայունությունն ապահովելու նպատակով։