Տնտեսություն

Ծաղկաձորում կայացած սեմինարում նորից քննարկվել է հայկական կոնյակի ապագան։ Խոսքը ոչ միայն որակի վերահսկողության մասին է, այլև այն մասին, թե ինչպես պետք է հայկական արտադրանքը ներկայացվի աշխարհին։ Քննարկումների կենտրոնում եղել է «Հայկական կոնյակ» աշխարհագրական նշումով ապրանք գրանցելու գաղափարը։ Սա նշանակում է՝ եթե նախագիծը կյանքի կոչվի, հայկական կոնյակը շուկայում կունենա հատուկ կարգավիճակ։ Այն կապահովի արտադրանքի որակը և թույլ կտա այն ավելի մրցունակ դարձնել արտերկրում։

Բենզինի գինը վերջին շրջանում Հայաստանում կայունացել է։ Նկատելի է դառնում նաև այն, որ շուկայում խաղացողները շատացել են, ինչն էլ իր հերթին բերում է մրցակցության ու որակի։ Չնայած այդ ամենին՝ Հայաստանում բենզինի գինը շարունակում է տարածաշրջանում ամենաթանկը լինել։ Տնտեսագետ Աղասի Թավադյանի կարիքով՝ սա կապված չէ ոչ մրցունակ շուկայի կամ ինչ֊որ ներքին պայմանավորվածության հետ։ Ըստ նրա՝ եթե հաշվարկներ անենք, սահմանին ստացված բենզինի գինը հավասարազորվում է շուկայում վաճառվող բենզինին։ Սակայն մի քանի խնդիրներ է նշում։

Հայաստանի կառավարությունը որոշել է դադարեցնել «Փյուր լենդ» ընկերության գործունեությունը Մեղրիի ազատ տնտեսական գոտում։

Միջազգային շուկայում ոսկու գինը պատմական առավելագույնին է հասել՝ մեկկ տրոյական ունցիայի արժեքը հասնելով ավելի քան 3556․87 ԱՄՆ դոլարի

Գեղարքունիքի մարզի Սևան համայնքում նախատեսվում է կառուցել նոր ճեմուղի։ Այն կկառուցվի «Հարսնաքար» հանգստյան գոտուց մինչև Սևանի թերակղզի։ Հետաքրքիր է, որ  դեռ 2018-ի սկզբին մշակած «Սևան» ազգային պարկի 2018-2023 միջոցառումների ծրագրում ընդգրկվել էր Լճաշեն-Սևան հատվածը ներառող ծովափնյա ճեմուղու կառուցումը։ Ճեմուղու երկայնքով նախատեսվում էր ստեղծել քոթեջներ, հյուրանոցներ, առևտրի, սպասարկման, սննդի օբյեկտներ, զբոսայգիներ, զուգահեռ նախատեսվում էր ունենալ հեծանվուղի։ Դրա կատարման ժամկետ էր նշվել 2019-2023 թվականները։ Պետբյուջեից տրամադրվել էր 43 մլն դրամ։ Սակայն, մինչ օրս աշխատանք չի կատարվել։

Հայաստանի պետական եկամուտների կոմիտեն տեղեկացրել է, որ 2025 թվականի սեպտեմբերի 30-ից սկսած՝ կիրականացվի ֆինանսական հաշիվների վերաբերյալ տեղեկությունների ավտոմատ փոխանակման գործընթացը՝ Տնտեսական համագործակցության և զարգացման կազմակերպության (ՏՀԶԿ) Միասնական հաշվետվողական ստանդարտի շրջանակում։

Հայաստանում օգոստոս ամսին Սննդամթերքի անվտանգության տեսչական մարմինը կասեցրել է 25 սննդի օբյեկտի արտադրական գործունեություն։ Հետաքրքիր է, որ արտադրող ընկերություններից միայն 18-ն են վերացրել խախտումներն ու շարունակել իրենց արտադրությունը։ Հիմնականում ՍԱՏՄ-ն ստուգումներ է իրականանցում հացի ու կաթնամթերքի արտադրամասերում։ Դրանցից շատերն ունեցել են սանիտահարահիգիենիկ խախտումներ։ Կարևոր է, որ նշել, որ տեսչական մարմինը ֆեյսբուքյան պաշտոնական էջում ոչ միայն հայտնում է արտադրամասերի գործունեության կասեցման, այլև դրանց վերսկսման մասին։

Սեպտեմբերի 1-ից ՀՀ սննդամթերքի անվտանգության տեսչական մարմինը խստագույն ստուգումներ է իրականացնելու արտահանվող ծաղիկների խմբաքանակների վրա։