Կստեղծվի Ստեփանակերտի մոնումենտալ արվեստի կոթողների պատկերազարդ թվային ցանկ
Արցախի Զբոսաշրջության և մշակույթի զարգացման գործակալությունը նախաձեռնել է Ադրբեջանի կողմից օկուպացված Արցախի Հանրապետության մայրաքաղաք Ստեփանակերտի մոնումենտալ արվեստի կոթողների հաշվառման նախագիծ:
Առաջին փուլում նախատեսվում է հավաքագրել մայրաքաղաքի տարբեր թաղամասերում տեղադրված ցայտաղբյուրների լուսանկարները և դրանց մասին այլ տեղեկություններ։ Հաջորդ փուլերում ծրագրի շրջանակներում կուսումնասիրվեն արձանները, հարթաքանդակները և այլ կոթողները։
Ծրագրին մասնակցելու համար պետք է սոցիալական ցանցերում հրապարակել լուսանկարները, նշել Shahverdyan Sergey էջը և օգտագործել #monumentsStepanakert հեշթեգը, կամ էլ անձնական նամակի տեսքով ուղարկել նկարները։ Սա հնարավորություն է տալու տեղեկատվություն հավաքագրել հուշարձանների մասին և հանրայնացնել դրանք։