Որոշ երկրներում երեխաները կկարողանան վճարումներ կատարել Google Wallet-ով

Google Wallet-ը ներկայացնում է նոր հնարավորություն, որը թույլ կտա երեխաներին՝ ծնողների համաձայնությամբ, կատարել անհպում վճարումներ խանութներում՝ օգտագործելով իրենց Android հեռախոսները։ Այս նորամուծությունը կհեշտացնի երեխաների ֆինանսական գործարքները՝ միաժամանակ ապահովելով ծնողական վերահսկողություն։

Google-ը շեշտում է, որ երեխաների վճարային քարտերը կարող են ավելացվել միայն ծնողների համաձայնությամբ։ Ծնողները էլեկտրոնային նամակներ կստանան յուրաքանչյուր կատարված փոխանցման մասին, ինչպես նաև կկարողանան հետևել վերջին գնումներին, հեռացնել քարտերը և անհրաժեշտության դեպքում փակել հասանելիությունը անցագրերին։

Բացի վճարումներ կատարելուց, երեխաները Google Wallet-ի միջոցով կկարողանան նաև օգտվել կցված անցագրերից, ինչպիսիք են միջոցառումների տոմսերը, գրադարանի քարտերը և նվեր քարտերը։

Այս թարմացումը կներդրվի առաջիկա մի քանի շաբաթների ընթացքում ԱՄՆ-ում, Մեծ Բրիտանիայում, Ավստրալիայում, Իսպանիայում և Լեհաստանում։ Թեև Google-ը դեռևս չի խոսում Google Wallet-ի հասանելիությունը աշխարհի այլ մասերում տարածելու մասին, այնուամենայնիվ կարելի է եզրակացնել, որ ապագայում այն ​​գլոբալ կդառնա:

Նշենք նաև, որ Google Pay-ով և Google Wallet-ով անհպում վճարումներ իրականացնելու ծրագիրը աշխատում է նաև Հայաստանում։