Ազգային ժողովը ընդունեց հայտարարագրերի ժամկետների վերաբերյալ փոփոխությունների ծրագիրը
2025 և 2026 թվականներին ՀՀ քաղաքացիները պետք է ներկայացնեն իրենց եկամուտների վերաբերյալ հայտարարագրերը մինչև նոյեմբերի 1-ը, դրանից հետո՝ մինչև հուլիսի 1-ը։ Հայտարարագիր ներկայացնելու սկզբնաժամկետն էլ ընդունվեց մարտի 2-ը։ Որոշումը ընդունվեց ապրիլի 22-ին Ազգային ժողովի նիստում՝ 60 կողմ, 1 դեմ, 29 ձեռնպահ ձայների հարաբերակցությամբ։
Նախագծի ընդունման արդյունքում բոլոր այն քաղաքացիները, որոնք այս տարի լրացնելու են հայտարարագիր՝ նախորդ տարվա եկամուտների համար, նրանց համար վերջնաժամկետ է դառնում նոյեմբերի 1-ը։ Այսինքն՝ կապ չունի՝ մարդը առաջին, թե երկրորդ անգամ է լրացնում հայտարարագիր. նրանց բոլորի համար վերջնաժամկետ է դառնում նոյեմբերի 1-ը,- ասել է նախագծի հեղինակ Բաբկեն Թունյանը։
Ազգային ժողովի «Հայաստան» խմբակցության ներկայացուցիչ Արծվիկ Մինասյանը, անդրադառնալով նախագծին, հայտարարել է, որ «համակարգը պատրաստ չէ, նոյեմբերին մեծաթիվ խնդիրներ են լինելու»։ Նա նաև նշել է, որ խմբակցությունը ձեռնպահ է քվեարկելու։
Նշենք, որ եթե քաղաքացին 30 օրվա ընթացքում չի ներկայացնում հայտարարագիր, ապա տուգանքը կլինի 5000 դրամ, իսկ այդ ժամկետը ևս չարաշահելու դեպքում՝ այն կկրկնապատկվի՝ կազմելով 10 հազար դրամ։
Ֆինանսների փոխնախարար Արման Պողոսյանը հայտնել է, հայտարարագրում որևէ եկամուտի համար չի պահանջվում նշել որևիցե ամսաթիվ։
Երբ խոսքը չհարկվող եկամուտների մասին է (օրինակ՝ նվիրատվությունը), ՊԵԿ–ը նույնիսկ շեմ սահմանեց մինչև 300 հազար դրամ չհարկվող եկամուտների չհայտարարագրման մասին, հստակ նշվեց, որ դրանից բարձր եկամուտները պետք է հայտարարագրվեն, սակայն դրանցից հարկեր կամ հակային պարտավորություններ չեն գոյանա
Ավելի վաղ հայտարարագրերի ներկայացման վերջնաժամկետ էր սահմանվել մայիսի 1-ը։