Վերականգնվել է բնական գազի մատակարարումը Հայաստան
Երկօրյա դադարից հետո հուլիսի 26-ին՝ ժամը 13։40-ից, Հայաստանում վերականգնվել է բնական գազի մատակարարումը։ Սրա մասին հայտնում է «Գազպրոմ Արմենիա» ընկերությունը։
Գազամատակարարումը ժամանակավորապես դադարեցվել էր հուլիսի 24-ին՝ Վրաստանի տարածքով անցնող «Հյուսիսային Կովկաս — Անդրկովկաս» մայր գազատարի մի հատվածում վթարավերականգնողական աշխատանքների պատճառով։ Խոսքը վերաբերում է Ղազախ-Սագուրամո հատվածին։ Այնտեղ իրականացվել են վերանորոգումներ։
Այս գազատարով է Ռուսաստանից Հայաստան ներմուծվում գազը՝ Վրաստանի միջով։ Երբ այդ գիծը փակվում է՝ անգամ կարճ ժամանակով, բնական գազի հոսքը Հայաստան դադարեցվում է։ Այս անգամ, սակայն, աշխատանքներն ավարտվել են համեմատաբար կարճ ժամանակում, և գազը նորից մատակարարվում է Հայաստան։
Նման դեպքերում գազամատակարարման դադարեցումը հիմնականում չի ազդում բնակիչների վրա, քանի որ «Գազպրոմ Արմենիան» պահուստային ռեսուրսներ ունի՝ նման իրավիճակների համար։ Բնակիչների վրա չի ազդում նաև Իրանից ներկրվող գազի հաշվին։ Չնայած այն բանին, որ Հայաստանը ռուսական գազից կախվածություն ունի, այնուամենայնիվ դիվերսիֆիկացնել է հարկավոր։ Այլընտրաքային տարբերակ կարող է դիտարկվել Իրանից ներմուծվող գազը։
Իրանը շարունակում է ապահովել կայուն մատակարարումներ էներգակիրների ոլորտում, ինչը երկրի համար ռազմավարական նշանակություն ունի։