Վարդան Ղուկասյանին տեղափոխել են Երևան-Կենտրոն ՔԿՀ
Փաստաբան Զարուհի Փոստանջյանի փոխանցմամբ՝ Ղուկասյանը առողջական վիճակի հետ կապված փորձաքննությունից հետո տեղափոխվել է Երևան-Կենտրոն քրեակատարողական հիմնարկ։
Ավելի վաղ հաղորդվել էր, որ Ղուկասյանը քրեակատարողական հիմնարկից տեղափոխվել էր բժշկական հաստատություն՝ համապատասխան հետազոտություն անցնելու նպատակով։
Փոստանջյանի խոսքով՝ բժիշկն այնպիսի ախտորոշում էր տվել, որն անհամատեղելի է կալանքի հետ, իսկ ՔԿՀ-ում բժիշկ չկա. բուժքույր է միայն։
Հիշեցնենք, որ Հակակոռուպցիոն կոմիտեն հայտնել էր, որ Գյումրի համայնքի ղեկավարը և համայնքի գլխավոր ճարտարապետը նախնական համաձայնությամբ կաշառք են ստացել։
Ղուկասյանը չէր ընդունել իրեն առաջադրված մեղադրանքները։