Ձևական աճուրդի միջոցով համայնքային գույքը փոխանցվել է համայնքապետի ընտանիքին
ՀՀ հակակոռուպցիոն կոմիտեն ավարտել է Վայոց ձորի մարզի Աղավնաձոր համայնքի նախկին ղեկավարի նախաքննությունը։ Քննչական մարմնի տվյալներով՝ 2005-2017 թվականներին պաշտոնավարած համայնքապետը, անձնական շահից ելնելով, փոխկապակցված անձի օժանդակությամբ, իրականացրել է պաշտոնեական դիրքի չարաշահումներ, որոնք հանգեցրել են ծանր հետևանքների։ Բացի այդ, նրան վերագրվում է նաև հանցավոր ճանապարհով ստացված առանձնապես խոշոր գույքի օրինականացում։
Քննչական մարմինը հիմնավորել է, որ համայնքի նախկին ղեկավարը, անձնական շահագրգռվածությունից ելնելով, իր հետ փոխկապակցված անձի աջակցությամբ կատարել է պաշտոնեական դիրքի չարաշահում, որը հանգեցրել է ծանր հետևանքների, ինչպես նաև իրականացրել է հանցավոր ճանապարհով ստացված առանձնապես խոշոր գույքի օրինականացում։
Նախաքննությամբ հաստատվել է, որ նախկին համայնքապետը կազմակերպել է 17.4 միլիոն դրամ շուկայական արժեքով՝ համայնքի սեփականություն հանդիսացող 5 հա հողատարածքի աճուրդ, որը փաստացի չի համապատասխանել «Հրապարակային սակարկությունների մասին» օրենքի պահանջներին։ Աճուրդին ներգրավված է եղել նրա հետ փոխկապակցված անձ, ումից հետո հողի սեփականության իրավունքը ձևական առուվաճառքի գործարքով փոխանցվել է համայնքապետի կնոջը։
Հակակոռուպցիոն կոմիտեն հաղորդում է, որ նախկին համայնքապետին մեղադրանք է առաջադրվել պաշտոնեական դիրքի չարաշահման և հանցավոր եղանակով ստացված գույքի օրինականացման հատկանիշներով։ Մեղադրանք է ներկայացվել նաև գործընթացում նրան օժանդակած անձին։