Ձերբակալվել է «Հայրենիք» կուսակցության գլխավոր քարտուղարը
Գիշերը ձերբակալվել է Հայրենիք կուսակցության գլխավոր քարտուղար Խաչիկ Գալստյանը։ Վերջինս նաև Երևանի պետական համալսարանի պրոֆեսոր, քաղաքագիտության ամբիոնի դոկտոր է։ Նրա ձերբակալման մասին «Ֆեյսբուք»-ի իր էջում հայտնել է փաստաբան Արսեն Բաբայանը։
Ընկերոջս՝ Խաչիկ Գալստյանին, հակակոռուպցիոն կոմիտեն շինծու մեղադրանքով և կալանքի նպատակով ձերբակալեց։ Քաղաքական հետապնդումները շարունակվում են, – գրել է Բաբայանը։
Ավելի ուշ կուսակցության մամուլի քարտուղար Հռիփսիմե Առաքելյանը հայտնել է, որ Վաղարշապատում ձերբակալվել է նաև կուսակցության մեկ այլ ներկայացուցիչ՝ Արամ Քոչարյանը։Դեպքի վերաբերյալ իրավապահ մարմինների կողմից պաշտոնական մեկնաբանություն առայժմ չի հրապարակվել։