Սուրեն Պապիկյանը մեկնել է Ֆրանսիա

Հայաստանի պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Ֆրանսիա։ Սրա մասին հայտարարել է ՊՆ գերատեսչությունը։

Այցի օրակարգից մանրամասներ չեն հաղորդվում։ 

Պապիկյանն այս տարի արդեն մեկնել է Ֆրանսիա։ Այցը եռօրյա բնույթ ուներ։ Պաշտպանության նախարարն այնտեղ մասնակցել էր EUROSATORY միջազգային ցուցահանդեսին, շրջել տաղավարներում, ծանոթացել ներկայացված ցուցանմուշներին, հանդիպումներ ունեցել ռազմարդյունաբերական մի շարք ընկերությունների ներկայացուցիչների հետ։ 

Պաշտպանության նախարարության և KNDS ֆրանսիական ռազմարդյունաբերական ընկերության միջև էլ կնքվել էր ռազմատեխնիկական համագործակցության պայմանագիր։

Կողմերը կարևորել էին ռազմատեխնիկական համագործակցությունը, որի շուրջ ձեռք էին բերվել նոր պայմանավորվածություններ: