Եմենի հութիները հայտարարել են, որ իրենք են խոցել ԱՄՆ ռազմածովային ուժերի կործանիչը

Տեղեկացրել էինք, որ ԱՄՆ ռազմածովային ուժերի կառավարվող հրթիռային հածանավը՝ USS Gettysburg- ը, դեկտեմբերի 22-ին՝ վաղ առավոտյան, սխալմամբ խոցել է Կարմիր ծովում գտնվող F/A-18 Super Hornet կործանիչը, որը պատկանում էր ԱՄՆ-ին: 

Եմենի հութիները հայտարարել են, որ իրենք են խոցել ԱՄՆ ռազմածովային ուժերի կործանիչը Կարմիր ծովում հարձակման ժամանակ:

Միջադեպի պահին ամերիկյան ուժերը ավիահարվածներ էին հասցնում Եմենում հութիների թիրախներին։ ԱՄՆ-ն գործողություններ է իրականացնում հութիների դեմ, երբ տարածաշրջան է ժամանել USS Harry S Truman Carrier Strike Group-ը: Հութիները, որոնք միավորված են պաղեստինցիների հետ, թիրախավորել են մոտ 100 առևտրային նավ Կարմիր ծովում հոկտեմբերին Իսրայել-Համաս հակամարտությունը սկսվելուց ի վեր:

Տարածաշրջանում լարվածության պատճառով խոշոր ծովային ընկերությունները փոխել են իրենց երթուղիները՝ շրջանցելով Եմենի ափերը: Այս ծովային ճանապարհով աշխարհը տեղափոխում է հացահատիկի 8%-ը, հեղուկ գազի 8%-ը և նավթի 12%-ը։