Հայկ Մարությանը ընդունել է Տիգրան Ավինյանի հետ բանավիճելու առաջարկը
Երևանի նախկին քաղաքապետ, «Նոր ուժ» կուսակցության նախագահ Հայկ Մարությանը ընդունել է Տիգրան Ավինյանի հետ բանավեճ անցկացնելու՝ Factor TV-ի առաջարկը։
Քանի որ քաղաքապետարանից խնդրել են երկրից բացակայելու բերումով հետաձգել բանավեճը, ապա առաջարկում ենք այն կազմակերպել դեկտեմբերի 15-20-ն ընկած ժամանակահատվածում։
Բանավեճին նախատեսված է քննարկել Երևանի տրանսպորտային համակարգի փոփոխություններին, տոմսային նոր համակարգի ներդրմանը առնչվող հարցեր։
Նշենք, որ Տիգրան Ավինյանը պաշտոնական այցով գտնվում է Միացյալ Նահանգներում։ Քաղաքապետի խոսնակ Հայկ Կոստանյանը արձագանքել էր, որ Երևանի քաղաքապետ կմասնակցի բանավեճին՝ Միացյալ Նահանգներից վերադառնալուց հետո։
Շուշան Ասրյան