Փաշինյան․ «Առանց Ղարաբաղի հարցը փակելու խաղաղություն չի լինի»
Հայաստանի վարչապետ Նիկոլ Փաշինյանը ուղիղ եթերում ընդգծեց, որ Արցախի հարցի շուտափույթ ու ճիշտ լուծում չկա՝ հավելելով, որ խաղաղություն հնարավոր չէ առանց դրա կարգավորման։
Մենք տարիներ շարունակ զգացել ենք, որ որոշ ուժեր Ղարաբաղի հարցը օգտագործել են Հայաստանի անկախությունը, ինքնիշխանությունը և պետականության կայացումը խանգարելու համար։ Ես ուղիղ հայտարարել եմ, որ Հայաստանը պիտի առաջնորդվի այն տրամաբանությամբ, որ Ղարաբաղյան շարժումն այլևս չշարունակվի։ Եթե ժողովուրդը դեմ էր լիներ, հնարավոր էր հեղափոխություն անել։ Բայց դուք հասկացաք, որ առանց Ղարաբաղի հարցի փակման խաղաղություն չի լինի,- ասաց Փաշինյանը։
Նա նաև նշել է, որ արցախահայերի զանգվածային վերադարձը իրատեսական չէ, և ցանկացած միտում՝ նախկին փախստականներին Արցախ վերադարձնելու, կարող է վտանգավոր լինել՝ լարվածություն առաջացնել Հայաստանի ու Ադրբեջանի միջև։
Փաշինյանի խոսքով՝ Արցախից տեղահանված մեր հայրենակիցների ապագան պետք է լինի Հայաստանում՝ որպես լիիրավ քաղաքացիներ, ապրելու, աշխատելու և ստեղծագործելու հնարավորություններով։
Հիշեցնենք, որ օգոստոսի 8-ին Վաշինգտոնում Նիկոլ Փաշինյանն ու Ադրբեջանի նախագահ Իլհամ Ալիևը ստորագրեցին 7 կետից բաղկացած համատեղ հռչակագիր։ Դրա շրջանակում նախատեսվում է Սյունիքի մարզով «Թրամփի ուղի» (TRIPP) ստեղծել՝ Ադրբեջանին Նախիջևան առևտրային հասանելիություն ապահովելու համար։ Այս ճանապարհը ԱՄՆ-ն վարձակալում է 99 տարով՝ ևս 99 տարով երկարաձգելու հնարավորությամբ։
Միաժամանակ Հայաստանի և Ադրբեջանի արտգործնախարարները՝ Արարատ Միրզոյանն ու Ջեյհուն Բայրամովը, նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։