Իրանի օդային տարածքի փակման հետևանքով մի շարք թռիչքներ վայրէջք են կատարել «Զվարթնոց» օդանավակայանում
Իրանի Իսլամական Հանրապետության և հարակից երկրների օդային տարածքների փակման հետևանքով մի շարք միջազգային թռիչքներ հարկադրված վայրէջք են կատարել Երևանում՝ «Զվարթնոց» միջազգային օդանավակայանում, ինչպես նաև տարածաշրջանի այլ երկրների օդանավակայաններում։
ՀՀ քաղաքացիական ավիացիայի կոմիտեն տեղեկացնում է, որ չվերթների փոփոխված երթուղիները հիմա իրականացվում են՝ շրջանցելով Իրանի և Իսրայելի օդային տարածքները։ Նշվում է, որ չեղարկվել են «Air Arabia» ավիաընկերության Աբու Դաբի և Շարժա չվերթերը, սակայն այլ ավիաընկերություններ, այդ թվում՝ «Wizz Air»-ը և «Fly Dubai»-ը, կարողացել են իրականացնել թռիչքներ Երևան-Արաբական Միացյալ Էմիրություններ ուղղությամբ։
Ստեղծված իրավիճակի հետևանքով ՀՀ քաղաքացիներ և ազգությամբ հայեր հայտնվել են Բաքվի օդանավակայանում, մինչդեռ Ադրբեջանի որոշ քաղաքացիներ՝ «Զվարթնոցում»։ ՀՀ պետական կառույցները հետևողական աշխատանքներ են իրականացնում՝ աջակցություն ցուցաբերելու նպատակով։
Ներկայում Իրանի օդային տարածքը շարունակում է փակ մնալ։ Դեպի Իսրայել թռիչքները ևս չեն իրականացվում։