Կառավարության շենքի մոտ բողոքի ակցիա է՝ ի նշան ԱԱԾ նախկին տնօրենի աջակցության
Անհետ կորած զինծառայողների հարազատները բողոքի ակցիա են անցկացնում կառավարության շենքի մոտ՝ պահանջելով վերականգնել Արմեն Աբազյանին ԱԱԾ տնօրենի պաշտոնում։ Ակցիայի մասնակիցները հայտարարում են, որ չեն հանդուրժի Աբազյանի հեռացումը, որը, իրենց համոզմամբ, պայմանավորված է քաղաքական չկատարած պատվերով։
Նրանք նշում են, որ Աբազյանն ակտիվ մասնակցություն է ունեցել գերիների և անհետ կորածների վերաբերյալ հումանիտար բանակցություններին, մշտապես կապի մեջ է եղել ընտանիքների հետ և հետևողական աշխատանք է տարել ավելի քան հինգ տարի։
Հիշեցնենք, որ Արմեն Աբազյանը հունիսի 18-ին ազատվել է ԱԱԾ տնօրենի պաշտոնից։ Վարչապետ Փաշինյանը Ազգային ժողովում չպատասխանեց հարցին, թե արդյոք նրա ազատումը կապված է գործարար Սամվել Կարապետյանի և Հայ առաքելական եկեղեցու հասցեին արված գրառումների հետ։ Վարչապետն ընդգծեց միայն, որ Աբազյանը պաշտոնավարել է ամենաբարդ փուլում՝ 2020 թվականից սկսած, և այժմ «արժանի է մի փոքր հանգստի»։
Հիշեցնենք, որ 2020 թվականի 44-օրյա պատերազմից առաջ և հետո ԱԱԾ մի շարք տնօրեններ են փոխվել։ 2020-2025 թվականներին այդ պաշտոնում հաջորդաբար նշանակվել են 4 անձինք։ Արմեն Աբազյանը փոխարինել է Միքայել Համբարձումյանին։