Հայ բռնցքամարտիկները Կասպիսկում նվաճել են 1 ոսկի և 2 արծաթե մեդալ
Հայաստանի բռնցքամարտի թիմը հաջողությամբ հանդես է եկել Կասպիսկում ընթացող Մուհամեդ Ումախանովի անվան միջազգային մրցաշարում, որտեղ մեր մարզիկները նվաճել են մեկ ոսկի և երկու արծաթե մեդալ։ Այս մասին հաղորդում է Հայաստանի բռնցքամարտի ֆեդերացիան:
Մրցաշարում առավել հիացնող արդյունք է գրանցել մինչև 23 տարեկանների հավաքականի ներկայացուցիչ Հարություն Հակոբկոխյանը, ով 71 կգ քաշային կարգում հասավ եզրափակիչ և հաղթեց ռուս մարզիկ Աբդուլա Չերգեսովին՝ նվաճելով ոսկե մեդալ։
Թիմի մյուս ներկայացուցիչները ևս աչքի ընկան ուժեղ խաղով։ 63.5 կգ քաշային Մանվել Պետրոսյանը և 75 կգ Մարատ Միքայելյանը եզրափակիչ հասնելով՝ նվաճեցին արծաթե մեդալներ։