Վարչապետն ընդունել է օտարերկրյա պետություններում Սփյուռքի գործերի հանձնակատարներին
Կառավարության հաղորդմամբ՝ Նիկոլ Փաշինյանն ընդունել է օտարերկրյա պետություններում Սփյուռքի գործերի հանձնակատարներին:
Վարչապետն անդրադարձել է Հայաստան-Սփյուռք հարաբերությունների նպատակներին։
Մեր նպատակը՝ Հայաստան-Սփյուռք հարաբերություներն ավելի ինստիտուցիոնալ և պետականակենտրոն դարձնելն է, նաև փորձել ձևավորել համակարգ, որը հնարավորություն կունենա Հայաստանի Հանրապետության անունից ամենօրյա խոսակցության մեջ լինել Սփյուռքի մեր համայնքների հետ, ինչ-որ առումով նաև Սփյուռքի խնդիրները, օրակարգերը, մտահոգությունները, հարցերը ինստիտուցիոնալ և համակարգված ձևով ներկայացնել ՀՀ Կառավարությանը։
Վարչապետն ընդգծելով Սփյուռքի և Հայաստանի կառավարության դերերի և պարտականությունների հստակ բաժանման կարևորությունը՝ նշեց, որ Հայաստանն ու Սփյուռքը առանձին կառավարվող ինստիտուտներ են։
Սփյուռքի գործերի գլխավոր հանձնակատար Զարեհ Սինանյանը խոսել է համայնքային կյանքին հանձնակատարների ներգրավվածության և աշխարհի տարբեր երկրներում հանձնակատարներ նշանակելու գործընթացի մասին։
Սփյուռքի գործերի հանձնակատարի ինստիտուտը ներդրվել է 2021 թվականին։ Ներկայումս տարբեր երկրկներում կա 14 հանձնակատար։
Շուշան Ասրյան