ԱՄՆ-ն պատերազմ է հայտարարել խոսքի ազատությանը ողջ աշխարհում. Վոլգարև
ԵԱՀԿ Մշտական խորհրդի նիստում ՌԴ մշտական ներկայացուցչի տեղակալ Ա.Ա. Վոլգարևը արձագանքել է ԱՄՆ-ում ռուսական ԶԼՄ-ների սահմանափակումներին։
Նա մասնավորապես անդրադարձել է սեպտեմբերի 13-ին ռուսական որոշ լրատվամիջոցների և դրանց աշխատակիցների դեմ նոր պատժամիջոցներին, ԶԼՄ-ների մի շարք աշխատակիցների նկատմամբ հարուցված գործերին։
Ամերիկյան ներկայիս վարչակազմը բացահայտ ցինիկ կերպով փորձում է արդարացնել ռուսական լրատվամիջոցների դեմ բռնաճնշումների աննախադեպ մասշտաբները՝ ներքաղաքական գործերին նրանց «միջամտության» դեմ պայքարով։
Ըստ Վոլգարևի՝ ԵՄ-ն քաղաքական գրաքննության պրակտիկա է վարում և այն համարում է մեդիա բազմակարծության ապահովման ոլորտում ԵՄ-ի և նրա անդամ երկրների պարտավորությունների անտեսում։
Թվարկելով խոսքի ազատության իրավունքի խախտման դեպքեր՝ Վոլգարևը նշեց, որ պատասխան միջոցներ կձեռնարկվի։
ԱՄՆ պետքարտուղար Էնթոնի Բլինքենը հայտարարել էր ռուսական պետական լրատվամիջոցների դեմ նոր պատժամիջոցների մասին, որոնցից մեկը համարվել է Ռուսաստանի հետախուզական ապարատի դե ֆակտո զենք։
Իսկ Facebook-ի սեփականատեր Meta-ն հայտարարել էր, որ կարգելափակվեն ռուսական պետական որոշ լրատվամիջոցներ՝ «ազդեցության գործողություններ իրականացնելու» պատճառով։
Շուշան Ասրյան