Բագրատ սրբազանի կալանքը երկարաձգվեց 3 ամսով
Օգոստոսի 21-ին Երևան քաղաքի դատարանը որոշեց 3 ամսով երկարացնել Բագրատ սրբազանի կալանքը՝ հաշվի առնելով խոչընդոտելու և հանցանք կատարելու բարձր ռիսկերը։ Դատավոր Կարեն Ֆարխոյանը հայտարարեց, որ այլընտրանքային խափանման միջոցները չեն կարող ապահովել մեղադրյալի պատշաճ վարքագիծը։
Բագրատ սրբազանը դատավորին շնորհակալություն հայտնեց՝ նշելով, որ Լիլիթ Մանթաշյանի կալանավորումը երկարաձգելուց հետո ամոթ կլիներ, եթե ինքը դուրս մնար «այդ միջավայրից»։
Մինչդեռ Բագրատ արքեպիսկոպոս Գալստանյանի ու նրա 17 կողմնակիցների գործով բոլոր փաստաբանները նախօրոք բոյկոտել էին դատավարական նիստը՝ չմասնակցելով դրան և հայտարարելով, որ նախորդ նիստը խախտումներով է անցկացվել և արդարադատությունը այս կերպ հնարավոր չէ իրականացնել։