Երթևեկության կազմակերպման փոփոխություններ կլինեն Երևանում
Ապրիլի 8-ից երթևեկության կազմակերպման փոփոխություն կկատարվի Աբովյան փողոցում, Սայաթ-Նովայի պողոտայում, Պռոշյան-Դեմիրճյան խաչմերուկում:
Աբովյան – Աղայան փողոցների խաչմերուկից մինչև Աբովյան փողոց – Սայաթ-Նովա պողոտա խաչմերուկ, Սուրբ Աննա եկեղեցու դիմացից մինչև Սայաթ-Նովա պողոտա — Տերյան փողոց խաչմերուկ կարգելվի մեքենանների կանգառը։
Պռոշյան փողոցից ձախ շրջադարձը դեպի Դեմիրճյան փողոց նույնպես կարգելվի։
Հիշեցնենք, որ այսօրվանից՝ ապրիլի 7-ից Իսակովի պողոտայում՝ Էջմիածինից եկող ուղղությամբ կարգելվի հետադարձը: Լենինգրադյան փողոցից երրորդ երթևեկելի գոտուց նախկին «ուղիղ և դեպի ձախ» թույլատրված երթևեկության փոխարեն երթևեկությունը կթույլատրվի «միայն ձախ» ուղղությունով:
Ճանապարհները արդեն կահավորվել են համապատասխան նշաններով։