2026 թվականին Հայաստանը ընդունելու է COP17-ը
65 ձայնով Հայաստանն ընտրվել է որպես Կենսաբազմազանության Կողմերի համաժողովի հյուրընկալող երկիր: Սրա մասին հայտարարել է Շրջակա միջավայրի նախարար Հակոբ Սիմիդյանը։
Կենսաբազմազանության կոնվենցիան ուժի մեջ է մտել 1993 թվականի դեկտեմբերի 29-ին։ Դրա երեք հիմնական նպատակներն են կենսաբանական բազմազանության պահպանումը, դրա բաղադրիչների կայուն օգտագործումը և գենետիկական ռեսուրսներից բխող օգուտների արդարացի բաշխումը։
2000 թվականից՝ կանոնակարգի փոփոխությունից հետո, համաժողովը իրականացվում է երկու տարին մեկ անգամ։ 2024 թվականի հոկտեմբերի 21-ից նոյեմբերի 1-ը համաժողովի տասնվեցերորդ հանդիպումը (COP 16) տեղի է ունենում Կոլումբիայի Կալի քաղաքում։
Հանրապետության նախագահ Վահագն Խաչատուրյանը ելույթ է ունեցել Կենսաբազմազանության մասի կոնվենցիայի 16-րդ համաժողովի բարձր մակարդակի քննարկումների պաշտոնական բացմանը։
Իր ելությում նախագահը նշել է․
COP17-ի անցկացումը Հայաստանում կլինի հիանալի հնարավորություն՝ առաջ մղելու բազմակողմ ջանքերը գլոբալ կենսաբազմազանության պաշտպանության համար, ապահովելով բազմազան ձայների և տեսակետների լսելիությունը՝ բազմաշահառու ներգրավվածությամբ, ինչպես նաև ներկայացնելով Հայաստանի և տարածաշրջանի բնական հարստությունները։