Ալավերդիում կվերականգնվի ջրհեղեղից տուժած Թումանյան փողոցը
Ալավերդիում մեկնարկել է Թումանյան փողոցի վերականգնողական ծրագիրը։
Այն իրականացվում է կառավարության ֆինանսավորմամբ։Ծրագրի արժեքը կազմում է ավելի քան 1 միլիարդ դրամ։
Կվերականգնվեն ջրհեղեղից փլուզված հենապատերը, կկառուցվեն երկաթբետոնե հենապատնեշներ, կվերանորոգվեն մայթերը և կկատարվի սալարկում։
Երթևեկելի գոտին կասֆալտապատվի, ինչպես նաև կտեղադրվեն նոր ճաղաշարեր։
Հայտնի է, որ այս հատվածում ավելի վաղ ջրհեղեղ էր տեղի ունեցել՝ որպես հետևանք Դեբեդ գետի գետավարարման, որը, մասնավորապես, վնասել է Ալավերդիի Թումանյան փողոցը և շրջակա ենթակառուցվածքները։ Սա հանգեցրել է ոչ միայն փոքր հենապատերի և մայթերի փլուզմանը, այլև հատվածի ճանապարհի ու ճաղաշարերի ամբողջական ավերմանը: