Wildberries-ից պատվիրած ապրանքները հնարավոր կլինի վերադարձնել ցանկացած կետում

Wildberries ընկերությունը մշակել է QR կոդերի միջոցով գնումները վերադարձնելու մեխանիզմ։ Wildberries-ից օգտվողները կարող են իրենց պատվիրած ապրանքները վերցնել իրենց հարմար կետից, սակայն վերադարձնել մեկ այլ կետում։

Օգտագործելով QR կոդերը՝ հաճախորդները կկարողանան վերադարձնել ապրանքները։ Նախկինում վերադարձը հնարավոր էր միայն պատվերների տրամադրման այն կետում, որտեղից օգտվողը վերցնում էր պատվերը: Այն հասանելի կդառնա նաև Հայաստանում։

Նշվում է, որ փոփոխությունները կհեշտացնեն հավաքագրման կետի աշխատակիցների վերադարձի գործընթացը՝ նվազեցնելով հարցումների մշակման ժամանակը։

QR կոդերը շուտով հասանելի կդառնան բոլոր օգտատերերի համար: