Սիրիայում հայտարարել են իշխանությունը խաղաղ ճանապարհով փոխանցելու պատրաստակամության մասին
Al Arabiya-ի փոխանցմամբ՝ Սիրիայի վարչապետ Մուհամմադ Ղազի ալ-Ջալալին հայտարարել է երկրում իշխանությունը խաղաղ ճանապարհով փոխանցելու պատրաստակամության մասին՝ հավելելով, որ պատրաստ են ժողովրդի կողմից ընտրված ցանկացած ղեկավարության հետ համագործակցել։
Բացի այդ, Սիրիայի կառավարության ղեկավարը կոչ է արել պահպանել պետական ինստիտուտները, որոնք «նախատեսված են բոլորի համար»: Սիրիայի ապստամբ ուժերն էլ պնդում են, որ մտել են Դամասկոս։ Նշվում է, որ «ռազմական առումով Դամասկոսն ընկել է»։
«Հայաթ Թահրիր ալ-Շամ»-ի (HTS) զինյալների առաջնորդը, որը գլխավորում է երկրի զինված ընդդիմությունը, հայտարարություն է տարածել՝ կոչ անելով ապստամբ ուժերին անվնաս հեռանալ պետական հաստատություններից:
Ապստամբներն ասում են, որ Սիրիայի առաջնորդ Բաշար ալ-Ասադը փախել է Դամասկոսից, սակայն Սիրիայի նախագահական գրասենյակը և Իրանի պաշտոնյաները նախկինում պնդում էին, որ նա չի հեռացել մայրաքաղաքից : ԱՄՆ պաշտոնյաները CNN-ին ասել են, որ նրա ռեժիմը շուտով կարող է տապալվել: