Կոյուղաջրերը լցվել են Նոր Նորքի 7-րդ զանգվածում գտնվող Հայորդաց տուն
Այսօր համացանցում մեծ աղմուկ էր բարձրացել։ Նորքի Հայորդաց տան աշխատակիցները ֆեյսբուքյան էջում հրապարակումներ էին արել, որտեղ երևում էր, թե ինչպես է շրջակայքը լցվել կոյուղաջրերով։
Ուրբաթ օրվանից մենք ահազանգում ենք «Վեոլիա ջուր» ընկերություն և ասում ենք, որ Նորքի Հայորդաց տունը, որը գտնվում է Նորքի 7-րդ զանգվածում, Սուրբ Սարգիս բլրի կողքից ջուրը տրաքելա, և կոյուղաջրերը թափվում են շենքի նկուղը և հիմքը։ Խայտառակ վիճակ է։ Պատերի արանքից հոասնքը գնումա ու չգիտեմ որտեղա հասնում։ 3 անգամ զանգել ենք «Վեոլիա»։ Ասում են դիտահորը մաքրած է։ Ի՞նչ դիտահորի մասին է խոսքը, էնտեղ խողովակ է պայթած, ջրի ձայնը լսվում է։ Մանկավարժները ջրի ուղղությունը փոխել են դեպի շրջակայքում գտնվող խաղահրապարակ, — տեսանյութում հայտարարել էր աշխատակիցը։
Խնդիրը նման կերպ բարձրաձայնելուց մի քանի ժամ անց կրկին տեսանյութ է հրապարակվել, որտեղ արդեն նույն աշխատակիցը նշում էր, որ «Վեոլիա ջուր» ընկերությունը լուծել է այդ խնդիրը։ Այսինքն՝ 3 օրվա ահազանգներից հետո միայն համացանցում լայն տարածում ստանալուց հետո խնդիրը լուծվել է, այն էլ՝ մասամբ։ Ընկերությունը վերացրել է ջրի արտահոսքը, բայց խողովակի վերանորոգումը դեռ չի ավարտվել։