Քովիդի 2 դրական և 1 բացասական թեստ․ Փաշինյանը չմասնակցեց ԱՊՀ երկրների ղեկավարների հերթական հանդիպմանը
Դեկտեմբերի 25-ին Փաշինյանի ֆեյսբուքյան էջից տեղեկացանք, որ նա չի մասնակցի ԱՊՀ երկրների ղեկավարների ոչ պաշտոնական գագաթնաժողովին՝ քովիդի դրական արդյունքի պատճառով։ Պեսկովը նախօրեին հայտարարել էր, որ Փաշինյան — Պուտին հանդիպում նախատեսված չէ, թեև դեռ հայտնի չէր Փաշինյանը կմեկնի Սանկտ Պետերբուրգ, թե ոչ։ Բացի այդ՝ նշվում է նաև, որ նա Եվրասիական տնտեսական միության գագաթնաժողովին (ԵԱՏՄ) էլ չի կարողանա անձամբ ներկայանալ և կմասնակցի տեսակապի միջոցով։ ԱՊՀ երկրների ղեկավարների ոչ պաշտոնական հանդիպմանը չի մասնակցել նաև Իհլամ Ալիևը՝ Ղազախստանում ադրբեջանական ինքնաթիռի կործանման դեպքի պատճառով։
Երկուշաբթի՝ դեկտեմբերի 23-ին, քովիդի դրական ախտորոշում եմ ունեցել:
Դեկտեմբերի 23-ին և 24-ին մեկուսացել և աշխատել եմ կեցավայրից: Դեկտեմբերի 25-ին ախտորոշումս արդեն բացասական է և վերադառնում եմ աշխատանքային սովորական ռեժիմի:
Այսուհանդերձ, նաև խորհրդակցելով գործընկերների հետ, չեմ մասնակցի այսօր Սանկտ Պետերբուրգում կայանալիք ԱՊՀ երկների ղեկավարների ոչ պաշտոնական գագաթնաժողովին, — գրել է Փաշինյանը:
Սրանից կարճ ժամանակ անց Փաշինյանը կրկին հայտարարեց, որ թեստը կրկին դրական արդյունք է ցույց տվել։ Դրանից հետո արդեն մի շարք պաշտոնական հանդիպումներ չեղարկվեցին կամ տեղափոխվեցին։
Հայաստանի վիճակագրական կոմիտեի տվյալներով՝ նոյեմբերին Հայաստանում գրանցվել է կորոնավիրուսային հիվանդությունների 192 նոր դեպք։
Դեկտեմբերի 25-ին կայացած հանդիպման ժամանակ քննարկվել են մի շարք հարցեր։ Պուտինը հրավիրել է ԱՊՀ երկրների ղեկավարներին մասնակցել Մոսկվայում Հայրենական մեծ պատերազմում հաղթանակի 80-ամյակի միջոցառումներին: