Խավիարային քաղաքականության նոր փուլը Հայաստան-ԵՄ հարաբերություններում

2025 թվականի մարտի 16-ից Հայաստանը պաշտոնապես իրավունքի ունի սկսել թեփուկավոր ձկների և դրանց արտադրանքի՝ խավիարի և ձկնկիթի արտահանումը Եվրոպական միության անդամ երկրներ։ Հայաստանում ԵՄ ներկայացուցչության փոխանցմամբ՝ այս հնարավորությունը սահմանվել է նոր ընդունված Եվրոպական հանձնաժողովի իրականացման կանոնակարգի համաձայն, պայմանով, որ արտահանող տնտեսավարողները պետք է գրանցված լինեն ԵՄ TRACES համակարգում:

Չնայած Հայաստանը չունի ելք դեպի ծով, այդուհանդերձ ձկնաբուծության ոլորտը բավականին զարգացած է, և այն խստորեն վերահսկվում է Սննդի անվտանգության տեսչական մարմնի կողմից։ Վերջինիս հետևողական ջանքերի շնորհիվ, ինչպես նաև Եվրոպական հանձնաժողովի Առողջապահության և սննդի անվտանգության գլխավոր տնօրինության (SANTE) գործընկերների աջակցությամբ է, որ թույլտվության տրամադրման ուղղությամբ մի քանի տարի ընթացող տեխնիկական գործընթացը հաջողությամբ ավարտվեց։

Նշենք, որ դեռևս 2025 թվավկանի փետրվարին Սննդամթերքի անվտանգության տեսչական մարմնից հայտնում էին դեպի Եվրամիություն ձկնամթերքի արտահանման հարցը։ Հայաստանը մինչ այժմ նման գործընկերություն ուներ Ռուսաստանի հետ։ Վերջինս նաև այս ոլորտում Հայաստանից ձկնամթերքի ամենամեծ ներկրողն է։