Ռուսաստանը կողմ է 30-օրյա հրադադարին
Ռուսաստանը համաձայն է ռազմական գործողությունները դադարեցնելու առաջարկին, բայց դա պետք է հանգեցնի երկարաժամկետ խաղաղության, ասել է նախագահ Վլադիմիր Պուտինը Բելառուսի նախագահ Ալեքսանդր Լուկաշենկոյի հետ բանակցություններից հետո կայացած մամուլի ասուլիսում։
Նրա խոսքով, լավ կլիներ, որ ուկրաինական կողմը հասներ 30-օրյա հրադադարի․
Մենք նույնպես կողմ ենք հրադադարին, բայց կան նյուանսներ,- հավելել է Պուտինը։ Ի՞նչ կլինի ուկրաինական զինված ուժերի զինվորների հետ, ովքեր մնացին Կուրսկի շրջանում։ Արդյո՞ք մենք պետք է նրանց բաց թողնենք: Ինչպե՞ս կզարգանա իրավիճակը շփման գծում։ Ո՞վ է որոշելու, թե որտեղ և ով է խախտել հնարավոր հրադադարը։Այս 30 օրվա ընթացքում Ուկրաինան կշարունակի՞ զենք ստանալ և կշարունակի՞ մոբիլիզացիան։ Ինչպե՞ս են երաշխավորելու, որ նման բան չի լինելու։
Այս բոլոր հարցերը, կարծում է Պուտինը, պահանջում են քննարկում, այդ թվում, հնարավոր է, ԱՄՆ նախագահ Դոնալդ Թրամփի հետ։ Նշենք, որ մարտի 11-ին Սաուդյան Արաբիայում Ուկրաինայի հետ բանակցությունների ընթացքում ԱՄՆ իշխանությունները առաջարկել են 30-օրյա զինադադար մտցնել ամբողջ գծում։ Կիևը համաձայնել է այս առաջարկին։
Մերձավոր Արևելքի հարցերով ԱՄՆ հատուկ ներկայացուցիչ Սթիվ Ուիտկովը մարտի 13-ին ժամանել է Մոսկվա՝ ռուսական կողմի հետ քննարկելու հրադադարի առաջարկը և երկկողմ հարաբերությունները։ ՌԴ նախագահի օգնականի խոսքով՝ Վիտկովը Պուտինի հետ կհանդիպի մարտի 13-ի երեկոյան։