Հայաստանի՝ Եվրոպական միությանը անդամակցելու գործընթացի մեկնարկը հաստատվել է
Ազգային ժողովում մարտի 24-ին քննարկվել է Եվրոպական միությանը Հայաստանի Հանրապետության անդամակցելու գործընթացի մեկնարկի մասին քաղաքացիական նախաձեռնությունը:
Կառավարության առաջարկը ընդունվել է ԱԺ եվրոպական ինտեգրման հարցերի մշտական հանձնաժողովի կողմից։ Ազգային ժողովի եվրոպական ինտեգրման հարցերի մշտական հանձնաժողովի արտահերթ նիստում Արտաքին գործերի նախարարի տեղակալ Պարույր Հովհաննիսյանը նշեց, որ Հայաստանը Եվրամիության հետ արդեն սկսել է քաղաքական և անվտանգության երկխոսություն, որի շրջանակում անցկացվել են երկու նիստեր։
Դիմումի նախատեսված նախաբանը վերախմբագրվել է նախաձեռնող խմբի կողմից հետևյալ կերպ՝
«Հայաստանի Հանրապետությունը, նպատակ ունենալով զարգացնել ժողովրդավարական ինստիտուտները, բարձրացնել հասարակության բարեկեցությունը, ամրապնդել երկրի անվտանգությունը, դիմակայունությունը եւ իրավունքի գերակայությունը` հայտարարում է Հայաստանի Հանրապետության` Եվրոպական միությանն անդամակցելու գործընթացի մեկնարկը»:
Եվրամիությանը անդամակցելու մասին օրենքի նախագիծը սկսել էր քննարկվել փետրվարի 11-ից։ Հեղինակների խոսքով՝ օրենքի ընդունումը նպատակ ունի առավելագույնս օգտագործել Եվրամիության հետ ունեցած իրավապայմանագրային բազան և առաջ գնալ հարաբերությունների խորացման ուղղությամբ։ Իսկ Եվրոպացի պաշտոնյաները նշել են, որ ԵՄ-ին անդամակցելու գործընթացը երկարատև է և կարող է տևել մի քանի տարի։
Նախաձեռնությունը կքննարկվի Ազգային ժողովի՝ մարտի 25-ի նիստի օրակարգի նախագծում: