Վարդան Ղուկասյանը ընտրվեց Գյումրիի քաղաքապետ
Ապրիլի 16-ին կայացած ավագանու անդրանիկ նիստում Գյումրիի նախկին քաղաքապետ, Հայաստանի Կոմունիստական կուսակցության թեկնածու Վարդան Ղուկասյանը վերընտրվեց համայնքի ղեկավարի պաշտոնում։ Նրա օգտին քվեարկեցին նիստին ներկա բոլոր 18 ավագանու անդամները։ Դեմ ձայներ չեն գրանցվել։
Հիշեցնենք, որ ավագանին բաղկացած է 33 անդամից, սակայն իշխող «Քաղաքացիական պայմանագիր» խմբակցությունը նիստը բոյկոտել էր և չէր մասնակցում քաղաքապետի ընտրությանը։
Ընդդիմադիր չորս ուժերը՝ «Մայր Հայաստան», «Իմ հզոր համայնք», «Մեր քաղաքը» դաշինքը և առանձին ավագանու անդամներ, նախապես հայտարարել էին իրենց աջակցությունը Վարդան Ղուկասյանին։
Եթե Կարեն Սիմոնյանն ու Ռուբեն Մխիթարյանն անմիջապես հայտարարել էին իրենց աջակցությունը, ապա «Մեր քաղաքը» դաշինքի առաջնորդ Մարտուն Գրիգորյանը երկար լռությունից հետո վերջապես հայտարարեց, որ կտա անհրաժեշտ քվեները Ղուկասյանին, սակայն ընդգծեց, որ հետագա գործունեության համար պատասխանատվություն չի կրելու։ Բացի այդ, Գրիգորյանը նաև ինքնաբացարկ էր ներկայացրել։
Հիշեցնենք, որ Վարդան Ղուկասյանը Գյումրիի քաղաքապետ է եղել 2000-2012 թվականներին։