Զինծառայող է մահացել հոսանքահարման պատճառով
Մայիսի 13-ին՝ ժամը 10:30-ի սահմաններում, Հայաստանի Հանրապետության Պաշտպանության նախարարության N զորամասում տեղի է ունեցել ողբերգական միջադեպ։ Դեռևս չպարզված հանգամանքներում հոսանքահարման հետևանքով մահացել է զինծառայող Կարեն Էդգարի Ավետիսյանը։
Պաշտպանության նախարարությունը տեղեկացնում է, որ դեպքի բոլոր հանգամանքները պարզելու նպատակով ընթանում է քննություն։ Մասնագետները փորձում են պարզել՝ ինչ պայմաններում է տեղի ունեցել հոսանքահարումը, արդյոք ապահովված են եղել անվտանգության կանոնները, և կա՞ն արդյոք պատասխանատու անձինք կամ ենթադրյալ թերացումներ։
Դեպքի վերաբերյալ այլ մանրամասներ այս պահի դրությամբ չեն հաղորդվում։