Անչափահասներին առևանգելու փորձ կատարած տղամարդը կկանգնի դատարանի առաջ
Դատախազն իրավասու դատարան է հանձնել անչափահասներին առևանգելու փորձ կատարած անձի վերաբերյալ քրեական վարույթը։ Դեպքը տեղի է ունեցել 2024 թվականի սեպտեմբերի 25-ին Մալաթիայի թաղամասում։ Ա.Ք.-ն ավտոմեքենայով փորձել է տանել երկու երեխայի, սակայն նրան անմիջապես հսկողության տակ են առել ոստիկանները։ Տղամարդը ձերբակալվել է նույն օրը։
Դատախազը 2024 թվականի սեպտեմբերի 28-ին Ա.Ք.-ի նկատմամբ հարուցել էր հանրային քրեական հետապնդում՝ Քրեական օրենսգրքի 44-191-րդ հոդվածի 2-րդ մասի 3-րդ կետով (անչափահասին առևանգելը) (երկու դրվագ):
Հետաքննությունն ավարտվել է, և 2025 թվականի մայիսի 15-ին քրեական գործը մեղադրական եզրակացությամբ ուղարկվել է դատարան։
Այս դեպքը մեծ արձագանք է գտել հասարակության շրջանում՝ բուռն քննարկումներ առաջացնելով անչափահասների անվտանգության հարցերի շուրջ։ Նմանատիպ դեպքերը վերջին շրջանում ավելացել են։ Նշենք, որ մինչ տղամարդու ձերբակալությունը համացանցում տեղեկություններ էին տարածվում, որ Մալաթիա-Սեբաստիա վարչական շրջանում ինչ-որ մեկը դպրոցների մոտ երեխաներին նստեցնում է ավտոմեքենան և առևանգում։