Հայաստանի ֆուտբոլի ազգային հավաքականի պաշտպան Նաիր Թիկնիզյանը դժգոհ է իր թիմից․ նա ուզում է հեռանալ
Հայաստանի ֆուտբոլի ազգային հավաքականի պաշտպան Նաիր Թիկնիզյանը հայտարարել է, որ մտադիր է հեռանալ Մոսկվայի «Լոկոմոտիվից»։ Նա դժգոհ է ստացած խաղաժամանակից։
Ամռանը փոփոխություն եմ ուզում: Շնորհակալ եմ «Լոկոմոտիվին», թիմի գլխավոր մարզչին, բայց այսօր ես նույնիսկ փոխարինման դուրս եկող խաղացող չեմ։ Դա պետք է արժանապատվորեն ընդունել։ Մրցաշրջանից հետո խոսակցություն կունենամ ղեկավարության հետ։ Խնդրելու եմ, որ ինձ թույլ տան հեռանալ։ Ցավոք, չորս տարվա ընթացքում ես ոչինչ չեմ հաղթել։ Դժվար է մի ամբողջ տարի լռել, ձևացնել, թե ոչինչ տեղի չի ունենում։ Ես ամեն ինչի էի պատրաստ այդ մարդու համար, իսկ արդյունքում վտարանդի դարձա։ Կյանքն է այդպիսին, ընդունում եմ,–ասել է նա։
Հայաստանի ազգային հավաքականի ֆուտբոլիստը անդրադարձել է նաև Եվրոպա հավանական տեղափոխության մասին հարցին՝ նշելով, որ ծիծաղելի է համարում խոսել դրա մասին․
Ես ֆուտբոլ չեմ խաղում։ Ի՞նչ «Վերոնա», ի՞նչ «Սևիլյա»։ Ես ինձ շատ վատ եմ զգում։ Ես որևէ մեկից վիրավորած չեմ, ուղղակի պետք է շարժվել առաջ,- ասել է Թիկնիզյանը Championat-ին տված հարցազրույցում։
2025–ին Թիկնիզյանը միայն մեկ անգամ է 90 րոպե անցկացրել խաղադաշտում՝ մարտի 7–ին Ռուսաստանի առաջնության շրջանակում «Ախմատի» հետ խաղում։
Թիկնիզյանը «Լոկոմոտիվ» է տեղափոխվել 2021–ի ամռանը՝ 5․5 մլն եվրոյով։ Նրա պայմանագիրն ուժի մեջ է մինչև 2026–ի հունիսի ավարտը։ Ընթացիկ խաղաշրջանում նա ակումբի կազմում բոլոր մրցաշարերում 2 գոլի հեղինակ է դարձել և 4 գոլային փոխանցման։