Մարմարիկ գետում մահացած 2-ամյա երեխայի մարմնի վրա բռնության հետքեր չեն հայտնաբերվել
Մարմարիկ գետում հայտնաբերված 2-ամյա Տիգրան Պետրոսյանի մարմնի վրա արտաքին զննությամբ բռնության և վնասվածքների հետքեր չեն հայտնաբերվել։ Այս մասին հայտնել են Քննչական կոմիտեի նախագահի մամուլի քարտուղար Կիմա Ավդալյանը։ Նշանակվել է դիակի դատաբժշկական փորձաքննություն՝ դեպքի հանգամանքները պարզելու համար։
Նշվում է, որ փոքրիկի մարմինը գտնվել է տանից շուրջ 7 կմ հեռավորության վրա՝ Հրազդան ՋԷԿ-ին հարակից կամրջի մոտակայքում։
Երկուամյա Տիգրանի անհետացման մասին Ներքին գործերի նախարարությունը ահազանգ ստացել էր մայիսի 4-ին՝ ժամը 11:52-ին։ Նախնական տվյալներով՝ երեխան դուրս էր եկել տնից Մարմարիկ բնակավայրում և չէր վերադարձել։
Հիշեցնենք, որ միջադեպի առնչությամբ մայիսի 6-ին նախաձեռնվել էր քրեական վարույթ՝ ՀՀ քրեական օրենսգրքի 155-րդ հոդվածի 1-ին մասի հատկանիշներով (սպանություն)։ Որոնողական աշխատանքներին մասնակցել են ոստիկանության և փրկարար ծառայության մեծաթիվ խմբեր, կիրառվել են նաև տեխնիկական միջոցներ, ներառյալ անօդաչու սարքեր և ջրասուզակների խումբ։
Հետաքննությունն ընթացքի մեջ է, քննիչները շարունակում են պարզել դեպքի բոլոր հանգամանքները։