Նախկին բարձրաստիճան պաշտոնյան պետբյուջեից 360 միլիոն դրամ է վատնել
Հակակոռուպցիոն կոմիտեն պարզել է, որ Բարձր տեխնոլոգիական արդյունաբերության նախարարության նախկին բարձրաստիճան պաշտոնյան առանց իրական անհրաժեշտության պետական բյուջեից ծախսել է մոտ 360 միլիոն դրամ։ Ըստ քննության՝ նա օգտագործել է իր պաշտոնեական դիրքը ոչ թե պետության շահերի, այլ իր որոշումների իրականացման համար, ինչի հետևանքով պետությունն էական վնաս է կրել։
Հետաքննության ընթացքում պարզվել է, որ նախկին պաշտոնյան խախտել է օրենքով սահմանված կարգերը և նախաձեռնել է մի շարք պայմանագրերի կնքում այնպիսի աշխատանքների համար, որոնք իրականում պետության կարիքն չունենային։ Այդ պայմանագրերի հիման վրա էլ բյուջեից անհիմն կերպով դուրս է գրվել 360 միլիոն դրամ։
Պաշտոնյային առաջադրվել է մեղադրանք պաշտոնեական լիազորությունները չարաշահելու համար։
Նախաքննությունն ավարտվել է, և գործն արդեն փոխանցվել է դատախազին՝ այն հաստատելու և դատարան ուղարկելու համար։