«Տաշիր պիցցա»-ի տնօրենին կալանավորել են հարկերից խուսափելու կասկածանքով
«Տաշիր պիցցա» սննդի ցանցի տնօրեն Վաղինակ Ղազարյանի նկատմամբ որպես խափանման միջոց կիրառվել է մեկ ամսվա կալանք։ Տեղեկությունը հաստատում են քննչական կոմիտեից։
Նրա դեմ հարուցվել է քրեական գործ՝ կապված հարկերից խուսափելու հետ։ Մասնավորապես՝ Ղազարյանին մեղադրում են նրանում, որ նա ուրիշ անձանց հետ նախապես պայմանավորվելով՝ չի վճարել պետությանը ենթակա մեծ չափի հարկեր, տուրքեր կամ այլ պարտադիր վճարումներ։
Նախօրեին խուզարկություններ են իրականացվել «Տաշիր գրուպի» գրասենյակում, որի կազմում է գործում նաև «Տաշիր պիցցա» ցանցը։
Ներկայում նախաքննությունը շարունակվում է՝ պարզելու ենթադրյալ ֆինանսական խախտումների ծավալը, ներգրավված անձանց շրջանակը և իրավական հետևանքները։