Լևոն Արոնյանը հաղթեց «Freestyle Chess Grand Slam» տիտղոսը
Հայ գրոսմայստեր Լևոն Արոնյանը նվաճեց Լաս Վեգասում ընթացող Freestyle Chess տիտղոսը՝ եզրափակչում հաղթելով ամերիկացի գրոսմայստեր Հանս Նիմանին, որը ներկայումս աշխարհի 19-րդ համարն է: Արոնյանը վաստակեց նաև 200,000 դոլար մրցանակ։
Եզրափակիչը սկսվեց առաջին պարտիայում ոչ-ոքիով, սակայն Արոնյանը ամրապնդեց չեմպիոնական տիտղոսը՝ հաղթելով երկրորդ խաղում և տանելով վճռորոշ հաղթանակ։
Արոնյանը մինչ եզրափակչում խաղալը հաղթել էր խմբային փուլում աշխարհի առաջին գրոսմայստեր Մագնուս Կարլսենին, քառորդ եզրափակիչում՝ աշխարհի երկրորդ գրոսմայստեր Հիկարու Նակամուրային, իսկ կիսաեզրափակիչում՝ աշխարհի հինգերորդ գրոսմայստերին՝ Արջուն Էրիգաիսիին:
Մրցաշարի ընդհանուր մրցանակային ֆոնդը կազմել է 750,000 դոլար։