Հովիկ Աբրահամյանի եղբայրը փոխհատուցել է պետությանը պատճառված շուրջ 195 հազար դոլարի վնասը
Արարատի մարզում ձկնաբուծությամբ զբաղվող ընկերության հարկային խախտումների գործով պետությանը պատճառված վնասի մի մասը՝ 75 միլիոն դրամ, վերականգնվել է։
Դատախազության տվյալներով, ընկերությունը, որի ղեկավարներից մեկը նախկին վարչապետ Հովիկ Աբրահամյանի եղբայրն է, հարկերից խուսափելու եղանակով թաքցրել է շուրջ 143 միլիոն դրամի հարկային պարտավորություն։
Ըստ մեղադրանքի, ընկերության տնօրենն ու գլխավոր հաշվապահը Աբրահամյանի եղբոր մասնակցությամբ տևական ժամանակ մատնանշել են անիրական եկամուտներ և նվազեցրել հարկային բազան՝ մուտքագրելով կեղծ տվյալներ: Վարույթն իրականացվում է ՀՀ քննչական կոմիտեում՝ Քրեական օրենսգրքի 290-րդ հոդվածի (հարկերից չվճարելու) հատկանիշներով։
Նախաքննության ընթացքում ձեռք բերված ապացույցների հիման վրա, որպես մեղադրյալ ներգրավվել են նշված երեք անձինք։ Նրանք ազատության մեջ են և վարույթն իրականացվում է առանց կալանքի կիրառման։
Նշենք, որ վնասի մասնակի վերականգնումը հնարավորություն է տվել կանխել քրեական հետապնդման խիստ միջոցների կիրառումը, սակայն վարույթը շարունակվում է։