Տաթևի վարչական ղեկավարի մասնակցությամբ խուլիգանության գործը դատարանում է
Տաթև համայնքի վարչական ղեկավար Գոռ Մինասյանն ու նրա ընկերը՝ Գևորգ Հարությունյանը, շուտով դատարանի առաջ կկանգնեն։ Նրանց մեղադրում են խուլիգանություն կատարելու, գույք վնասելու և բնակարանի անձեռնմխելիությունը խախտելու համար։
Գործի նախաքննությունն ավարտվել է, և այն ուղարկվել է դատարան։ Մեղադրանքների հիման վրա՝ Մինասյանն ու Հարությունյանը մի խումբ անձանց հետ հարձակվել են Մարո Մարտիրոսյանի վրա, նրան թեթև վնաս պատճառել, ինչպես նաև վնասել նրա գույքը։
Բացի այդ, Գևորգ Հարությունյանին մեղադրում են նաև Լուսիկ Միքայելյանի բնակարան ապօրինաբար մուտք գործելու մեջ։
Ըստ մեղադրանքի՝ Գոռ Մինասյանի արարքներում առկա են ՀՀ ՔՕ 171-րդ հոդվածի 2-րդ մասի 5-րդ կետով (թեթև վնաս՝ մի խումբ անձանց կողմից), 297-րդ հոդվածի 2-րդ մասի 1-ին կետով (խուլիգանություն՝ մի խումբ անձանց կողմից) և 264-րդ հոդվածի 2-րդ մասի 5-րդ կետով (գույքի վնասում՝ խուլիգանական դրդումներով) նախատեսված հատկանիշները։
Նույն հոդվածներով՝ բացի գույքի վնասելու մեղադրանքից, մեղադրվում է նաև Գևորգ Հարությունյանը։