Երևանում կրկին անցկացվելու է «Կինոյի գիշեր» ակցիան
Օգոստոսի 27-ին և 28-ին Երևանում տեղի կունենա համառուսաստանյան «Կինոյի գիշեր» ակցիան, որը նվիրված է ռուսական կինոյի օրվան։ Ակցիայի ծրագրում ընդգրկված են չորս ֆիլմ, որոնք ցուցադրվելու են անվճար՝ Երևանի Մոսկվայի տանը։ Օգոստոսի 27-ին կինոսիրողները կկարողանան դիտել «Զմրուխտե քաղաքի հրաշագործը. Դեղին աղյուսով ճանապարհ» և «Մարգարե. Ալեքսանդր Պուշկինի պատմությունը» ֆիլմերը։ Օգոստոսի 28-ին ցուցադրման են ներկայացվելու Հայրենական մեծ պատերազմի 80-ամյակին նվիրված «Արյան խումբ» ռազմական դրաման և 1941 թվականին թողարկված «Կրակ անտառում» ֆիլմի վերականգնված տարբերակը։
«Կինոյի գիշերը» Հայաստանում արդեն դարձել է ավանդույթ՝ տեղական կինոսիրողների շրջանում մեծ հետաքրքրություն առաջացնելով։ Ակցիան նպատակ ունի ոչ միայն ներկայացնելու ռուսական կինոյի լավագույն աշխատանքները, այլև խթանելու մշակութային կապերն ու հաղորդակցությունը երկու երկրներին միջև։
Միջոցառումն անցկացվում է «Ռոսկինո» ընկերության և Կինոյի հիմնադրամի նախաձեռնությամբ՝ Ռուսաստանի Դաշնության մշակույթի և արտաքին գործերի նախարարությունների աջակցությամբ, տեղեկացնում է ՀՀ-ում Ռուսաստանի դեսպանությունը։