Կոռուպցիայի կանխարգելման հանձնաժողովը տուգանել է Հայաստանի 10 կուսակցությունների նախագահների

Հայաստանի Կոռուպցիայի կանխարգելման հանձնաժողովը (ԿԿՀ) հրապարակել է 10 կուսակցության ղեկավարների նկատմամբ վարչական տույժերի մասին տվյալներ։ Պատճառը կուսակցությունների տարեկան ֆինանսական հաշվետվությունները կամ ղեկավար կազմի պաշտոնների փոփոխությունների մասին տեղեկությունները սահմանված կարգով չներկայացնելն է։

Ֆինանսական հաշվետվությունների ուշացումով տուգանվել են.

— «Հայրենատէր» կուսակցության նախագահ Սամվել Շահինյան – 40 000 դրամ
— «Ազգային համաձայնություն» կուսակցության նախագահ Արամ Հարությունյան – 40 000 դրամ

Կուսակցության ղեկավար կազմի պաշտոնների նշանակումներ կամ ազատումներ չհրապարակելու համար տուգանվել են 100 000 դրամով՝

— «Համախմբում» կուսակցության նախագահ Վարդան Օսկանյան
— «Միասնական հայրենիք» կուսակցության նախագահ Մհեր Տերտերյան
— «Միավորում հանուն Հայաստանի» կուսակցության նախագահ Ժասմեն Բաբայան
— «Հայկական վերածնունդ» կուսակցության նախագահ Սիմոն Հակոբյան
— «Ինքնիշխան Հայաստան» կուսակցության նախագահ Դավիթ Սանասարյան
— «Հայաստանի աշխատավորական սոցիալիստական» կուսակցության նախագահ Մովսես Շահվերդյան
— «Քրիստոնեա-ժողովրդական վերածնունդ» կուսակցության նախագահ Մկրտիչ Գիմիշյան

Մինչդեռ «Ազգի ձայն» կուսակցության նախագահ Մհեր Մեսրոպյան (ՀՀ վաստակավոր արտիստ Մհեր Արմենիա) տուգանվել է երկու դեպքով՝ ֆինանսական հաշվետվության և տեղեկությունների չներկայացման համար, համապատասխանաբար 40 000 և 100 000 դրամով։