Ձերբակալվել են Մեծամորի մանկապարտեզի վերանորոգման գործով ընկերությունների տնօրեններ
Մեծամորի մանկապարտեզում իրականացված վերանորոգման աշխատանքներում կեղծիքների և չարաշահումների վերաբերյալ քննվող քրեական վարույթի շրջանակում ձերբակալվել են շինարարական և տեխնիկական հսկողություն իրականացնող ընկերությունների տնօրեններ։
Նրանց մեղադրանք է առաջադրվել առանձնապես խոշոր չափերով խարդախության, օժանդակության և կեղծիք կատարելու համար։ Կոմիտեի տեղեկացմամբ, մեկի նկատմամբ որպես խափանման միջոց կիրառվել է կալանք, իսկ մյուսի նկատմամբ՝ գրավ և տնային կալանք։
Ավելի վաղ հաղորդվել էր, որ մանկապարտեզում վերանորոգման աշխատանքների ընթացքում հայտնաբերվել են կեղծիքներ և չարաշահումներ, ինչի արդյունքում պատասխանատվության են ենթարկվում նաև աշխատանքներին ներգրավված ընկերությունների տնօրենները։