Կրակոցներ Արմավիրի մարզի Արաքս գյուղում․ կա վիրավոր
Այսօր՝ ժամը 19։40-ի սահմաններում, Արմավիրի մարզի Արաքս գյուղում կրակոցներ են արձակվել։ Դեպքի հետևանքով մեկ մարդ վիրավորվել է։ Նրա ինքնությունը դեռ չի հաստատվել․ ոստիկաններն ու պարեկները տեղում պարզում են տվյալները։
Ներքին գործերի նախարարության մամուլի խոսնակը լրագրողների հետ զրույցում հայտնել է․
Ահազանգ ունենք։ Նախնական տվյալներով՝ կենցաղային հարցերի շուրջ ծագած վիճաբանություն է եղել։ Կա ձերբակալված։ Հանգամանքները պարզվում են։
Ներկայում իրավապահները սահմանափակել են դեպքի վայրը և իրականացնում են անհրաժեշտ քննչական ու օպերատիվ գործողություններ։ Կատարվում է քննություն՝ պարզելու, թե ինչ հանգամանքներում է տեղի ունեցել վիճաբանությունը, ինչպես նաև կրակոցների հանգամանքներն ու դրանց պատճառները։