Փարաքարի համայնքապետի ապանությունը կատարած անձը ինքնախոստովանական ցուցմունք է տվել
Արմավիրի մարզի Մերձավանում կատարված սպանության գործով դատարանը կալանավորել է ձերբակալված Նարեկ Օհանյանին՝ սպանությանը օժանդակելու մեղադրանքով։
Քննչական կոմիտեն հայտնում է, որ նույն գործով պարզվել և ձերբակալվել է նաև սպանությունը կատարած անձը։ Վերջինս տվել է ինքնախոստովանական ցուցմունքներ և մատնանշել հանցագործության գործիք հանդիսացած ինքնաձիգի գտնվելու վայրը։
Քննչական գործողությունների ընթացքում սպորտային պայուսակի մեջ հայտնաբերվել է նաև մարզասրահի այցեքարտ, որը պատկանում է սպանություն կատարող անձին։
Նրա նկատմամբ հարուցվել է հանրային քրեական հետապնդում՝ սպանության, սպանության փորձի և հրազենի ապօրինի շրջանառության հոդվածներով։
Հիշեցնենք, որ Մերձավանի Երևանյան խճուղում տեղի ունեցած կրակոցների հետևանքով սպանվել էին Փարաքարի համայնքապետը և ևս մեկ անձ։