Ավտոմեքենաներում բարձր երաժշտության համար լրացուցիչ բարձրախոսների տեղադրումը կարգելվի
Ազգային ժողովը երկրորդ ընթերցմամբ և ամբողջությամբ ընդունեց օրենքի նախագիծ, որով արգելվում է ավտոմեքենաներում լրացուցիչ ուժեղացուցիչներ և բարձրախոսներ տեղադրել ու օգտագործել։ Փոփոխության նպատակն է կանխել շարժման ընթացքում բարձր երաժշտության ձայները։
Նախագծի համաձայն՝ տրանսպորտային միջոցներում ստանդարտին չհամապատասխանող ձայնային կամ լուսային սարքավորումներ տեղադրելու և օգտագործելու դեպքում վարորդները կպատժվեն։
Խախտման դեպքում վարորդին կկիրառվի նվազագույն աշխատավարձի տասըապատիկի չափով տուգանք, կբռնագրվեն մեքենայի վրա տեղադրված լրացուցիչ բարձրախոսներն ու ուժեղացուցիչները, իսկ վարորդի հաշվին կավելանա նաև երկու տուգանային միավոր։