Հակակոռուպցիոն կոմիտեն մեղադրանք է ներկայացրել Իջևանի նախկին ղեկավարին՝ հողամասերի ապօրինի վաճառքի գործով
ՀՀ հակակոռուպցիոն կոմիտեն ավարտել է Իջևան համայնքի նախկին ղեկավարի վերաբերյալ քրեական գործի նախաքննությունը․ նրան մեղադրանք է առաջադրվել պաշտոնեական լիազորությունները չարաշահելու համար։
Հետաքննությամբ պարզվել է, որ նախկին համայնքապետ Վարդան Ղալումյանը, պաշտոնական դիրքը շահագործելով՝ համայնքային հողամասը անհիմն հիմքերով ճանաչել է օտարման ենթակա և այն կադաստրային արժեքից երեք անգամ ավելի ցածր գնով վաճառել է նույն համայնքի բնակչին։ Խոսքը վերաբերում է ընդհանուր 1385 քմ մակերեսով հողամասին, որի մի մասը (1285.0 քմ) վաճառվել է, իսկ մյուս մասի սեփականության իրավունքը ճանաչվել է օրենքի պահանջների խախտմամբ։
Քննչական տվյալներով՝ ղեկավարը գործարքը կազմակերպել է անձնական շահագրգռվածությամբ․ քաղաքացու հետ ստորագրվել է առուվաճառքի պայմանագիր, որի հիման վրա վերջինս պետական ռեգիստրում որպես սեփականատիրություն գրանցել է նշված հողամասը։
Նախկին համայնքապետին մեղադրանք է առաջադրվել ՀՀ նախկին քրեական օրենսգրքի 308-րդ հոդվածի 1-ին մասով, որը համարժեք է 2022թ․ նոր քրեական օրենսգրքի 441-րդ հոդվածի 1-ին մասին։ Գործը մեղադրական եզրակացությամբ ուղարկվել է ՀՀ հակակոռուպցիոն դատարան։
Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: