Պապիկյանը Եգիպտոսում է
ՀՀ պաշտպանության նախարար Սուրեն Պապիկյանը պատվիրակությունն հետ միասին աշխատանքային այցով ժամանել է Եգիպտոսի Արաբական Հանրապետություն։
Այս պահին այցի օրակարգի մանրամասները պաշտոնապես չեն հրապարակվել։
Օրեր առաջ նախարարը Երևանում ընդունել էր Եգիպտոսի նորանշանակ արտակարգ և լիազոր դեսպան Ամալ Աֆիֆիին։ Հանդիպման ընթացքում Պապիկյանը շնորհավորել էր դեսպանին պաշտոնը ստանձնելու կապակցությամբ։ Քննարկվել էին Հայաստան–Եգիպտոս պաշտպանական համագործակցության զարգացման հնարավորությունները, ինչպես նաև տարածաշրջանային և միջազգային անվտանգության մի շարք հարցեր։
Դեկտեմբերի 7-9-ը Կահիրեում Հայաստանի և Եգիպտոսի միջև միջկառավարական համատեղ հանձնաժողովի 6-րդ նիստի շրջանակներում նախատեսվում է անցկացնել Հայաստան-Եգիպտոս գործարար համաժողով։