Մախաչևը կարծում է՝ Արման Ծառուկյանը պետք է պայքարեր տիտղոսի` գոտու համար
UFC-ի թեթև քաշային կարգի գործող չեմպիոն Իսլամ Մախաչևը հայտարարել է, որ Արման Ծառուկյանը արժանի էր տիտղոսի համար մենամարտելու, սակայն կազմակերպության որոշմամբ նա ստիպված է սպասել։
Իսլամ Մախաչևը դժգոհություն է հայտնել UFC-ում թեթև քաշային կարգում ստեղծված իրավիճակից։ Նրա խոսքով՝ որոշ մենամարտեր իրեն անհասկանալի են թվում, և հատկապես անարդար է համարում այն, որ Արման Ծառուկյանը դուրս է մնացել տիտղոսային պայքարից։
Մախաչևը նշել է, որ, իր կարծիքով, հենց Արման Ծառուկյանը պետք է մենամարտեր գոտու համար, սակայն այժմ այդ հնարավորությունը տրվել է Փեդի Փիմբլեթին և Ջասթին Գեյջիին։ Նրանք կմենամարտեն ժամանակավոր չեմպիոնական գոտու համար, իսկ հաղթողը հետագայում կհանդիպի գործող չեմպիոն Իլյա Թոփուրիայի հետ։ Այս իրավիճակը, Մախաչևի խոսքով, նշանակում է, որ Արման Ծառուկյանը պետք է սպասի առնվազն ևս մեկ տարի։ Նա հիշեցրել է, որ իր կարիերայում նույնպես երկար ճանապարհ է անցել մինչև տիտղոսին հասնելը՝ հաղթելով 10 մենամարտ անընդմեջ։
«Արմանը պետք է համբերի և սպասի իր հերթին»,– ասել է Մախաչևը։
Հիշեցնենք, որ Փեդի Փիմբլեթի և Ջասթին Գեյջիի մենամարտը կկայանա UFC 324-ում՝ 2026 թվականի հունվարի 25-ին, ԱՄՆ-ի Լաս Վեգաս քաղաքում։