Մոսկվա-Երևան չվերթի ընթացքում ինքնաթիռի սրահում հրդեհ է բռնկվել
Այսօր Մոսկվայից Երևան ուղևորվող FlyOne Armenia ավիաընկերության չվերթի ընթացքում ուղևորներից մեկի ձեռքի բեռից հրդեհ է բռնկվել։
Նախնական տվյալներով՝ հրդեհի պատճառը ուղևորի պայուսակում գտնվող լիցքավորման մարտկոցի՝ փաուերբանկի բռնկումն է։ Ականատեսների խոսքերով՝ բորտուղեկցորդներին հաջողվել է մարել կրակը և կանխել դրա տարածումը։
Տուժածներ չկան, իսկ թռիչքի ուղին չի փոխվել։ Ինքնաթիռը բարեհաջող վայրէջք է կատարել Երևանի «Զվարթնոց» միջազգային օդանավակայանում։ Դեպքի վերաբերյալ համապատասխան ուսումնասիրություններ են իրականացվում։